di ALBERTO VENEZIANO
La paroea che conta la è INDIPENDENSA. No la à un so significato la è el contrario de dipendensa, da “de pendere”, pendere da, ESER PICADI A…
Parola universale, la val par tuti i eseri umani che no ghe ispira l’dea de viver picadi a calcosa come na sopresa o un osco spetando che i te fae a fete.
Mi vui creder che fra “Veneti” e “Indipendenti” ghe sia ancora na corelasion direta, lo dis la storia, ma no l’è parchè un el crede in calcosa che quel calcosa el deventa realtà, magari. Resta el dubio, far el Veneto, par la magioransa, vol dir far l’Indipendente o vol dir far el servo? Questo l’è el dubio che ‘l va risolto.
In ogni caso, fra eser indipendente e far el servo, la è na scelta che ghe speta ai Veneti come a tuti chealtri. La sensasion che far i servi convegne la è forte. A tanti ghe convien pagar o far finta de pagar la tangente al stato ocupante. Me imagino la risata che i se fa, fermi al semaforo co la so machinona, quando che qualche “illuminato” el ghe siga SVEGLIA!! Da un social…
Gran risate quando che i vede le persone de bona volontà che i ghe vol inpartir la “cultura veneta” a son de serate, par contarghe dea gran batalia de Lepanto … “Lepanto … eo un bel posto par andar a ciapar el sol? No? E aeora cosa me ne frega? Conteme dea batalia de Formentera… AHAHAHA”
La paroe che conta la è Indipendensa e quindi Indipendente. Quanti semo? Dovemo contarse, dovemo dichiararse e magari trovarse.
Mi me piasarie trovarse a na bea festa, la FESTA DEI INDIPENDENTI.
Un bel pra, pien de gazebi, de bandiere e gadget de tuti i posti, musica, ballo, discusion, convegni, panei didatici, storia, politica, partiti, lengua veneta … qualsiasi aspeto va ben ma soto na paroea fondamentale e inequivocabile: INDIPENDENSA!
Beh, caro Alberto, te si nato ieri perché la ghemo ca fata sta roba chi è la se ciamea “sagra dei Veneti” ma calchedun (sempre i soiti ma no importa) i ha deciso de boicotarla parchè ghe iera questo è staltro e chealtro…..ELIMINARE i veci carosoni dea poitica e ripartire co teste nove che no ga scheetri in te l’armaron…..altro che!
in piazza San Marco ghe semo tuti… e g’erensi anca quando Plebiscito el ne ga inventa’ la votasion par computer o par telefono che quei de l’OCSE i ga controla’… i gera anca in Turchia l’altro di’ quando che i ga’ vota’ anca la’… el 28 de marso passa’ i gera qua a Venessia al palasso Vendramin a farne i complimenti consegnandone la certificasion dea nostra votasion su l’indipendensa che gavemo fato l’ano passa’,,, cossa dovremo aver de pi? … l’ha vota’ el 64 par cento dei aventi diritto che l’e diese punti de pi’ de i voti de tuti i partiti messi insieme che i se ga presenta’ ae regionai…
”Ndemo avanti, che semo in tanti… La libertà la xe prossima…